अलविदा

 

यसरी मेटिएउ तिमी,भेट्टाउनै सकिनँ,

जसरी बालुवाको घर,सपनामा नि मेटिन्छ,

जसरी कुहिरोले ढाक्दा,बाटो नै मेटिन्छ ।

यसरी बिलायौ तिमी,बिर्सन नै सकिनँ,

जसरी जून हराउँदा,रात शून्य लाग्छ,

जसरी फूल झर्दा,बगैँचा उजाड लाग्छ ।

यसरी टाढियौ तिमी,बोलाउनै सकिनँ,

जसरी छायाँले छोड्दा,मान्छे एक्लो हुन्छ,

जसरी गीत हराउँदा,ओठ मौन हुन्छ ।

यसरी छुटीयौं तिमी,आफ्नो बनाउन सकिनँ,

जसरी समयले मेटाउँछ,पुरानो निशानलाई,

जसरी नदीले बगाउँछ,सुन्दर किनारलाई ।

✍️: जीवन आचार्य