Baglung District Nepal

बागलुङ जिल्ला नेपालको गण्डकी प्रदेशमा पर्ने पहाडी जिल्ला हो। बागलुङ जिल्लाको पूर्वि क्षेत्रबाट वग्ने पवित्र कालीगण्डकी नदीको तटवर्ति ईलाकामा रहेका तत्कालिन कालिका, मुलपानी र लहरेपिपल गा.वि.स.लाई समायोजन गरी २०५३ साल माघ १८ गते तत्कालिन नेपाल सरकारबाट बागलुङ नगरपालिकाको घोषणा भै २०५४ सालमा सम्पन्न स्थानीय निकायको निर्वाचनबाट यसको गठन भएको हो । 

स्थापना कालमा १९.२३ वर्ग कि.मि. क्षेत्रफलमा फैलिएको र ११ वटा वडामा विभाजन भएको यस नगरपालिका राज्यको पुर्नसंरचना पश्चात नेपाल सरकारको २०७३/११/२७ को निर्णय अनुसार छिमेकमा रहेका मालिका, तित्याङ, भकुण्डे, रायडाँडा, अमलाचौर, पैंयुपाटा, नारायणस्थान गाविसको पुरै भाग र सिगाना गाविसको वडा नं. ६ बाहेकको भाग तथा पाला गाविसको वडा नं. ६, ७, ८ र ९ समावेश गरी १४ वटा वडा सहितको हालको नगरपालिका घोषणा गरिएको हो ।बागलुङ जिल्लालाई 'झोलुङ्गे पुलको जिल्ला' पनि भनिन्छ। यहाँ नेपालकै लामो झोलुङ्गे पुल रहेको छ।

बागलुङ जिल्लाको नामाकरण कसरी भयो भन्ने बारेमा विभिन्न किम्बदन्तीहरू रहेका छन्। एउटा किम्बदन्ती अनुसार कुनै समयमा यहाँ बाघहरूको संख्या धेरै भएकाले यस ठाउँको नाम बागलुङ रहन गएको हो। पछि यही नाम अपभ्रंश भएर बागलुङ भएको हो।

बागलुङ जिल्लाको पूर्वमा पर्वत, पश्चिममा रोल्पा, रुकुम, उत्तरमा म्याग्दी र दक्षिणमा प्यूठान र गुल्मी जिल्ला रहेका छन्। यो जिल्लाको अधिकांश भूभाग पहाडी छ। यहाँ कालीगण्डकी नदी लगायत अन्य साना नदीहरू बग्दछन्।

बागलुङ जिल्लामा ४ नगरपालिका र ६ गाउँपालिका गरी १० स्थानीय तहहरू रहेका छन्।

प्रमुख पर्यटकीय स्थलहरू

 *कालिका भगवती मन्दिर

 * ढोरपाटन शिकार आरक्ष

 * गाँजा दह

 * घुम्टेको लेक

 * पञ्चकोट 

 * भैरवस्थान मन्दिर,वलेबा अमलाचौर

 * बलेवा Airport,हाल संचालमा छैन।

बागलुङ नगरपालिका वडा नं. १४ र कुश्मा नगरपालिका जोडने पन्जी पुल, वन्जी जम्प, स्काई साईक्लिनिङ, वराह ताल, कोटघरहरु यस क्षेत्रका मुख्य पर्यटकीय गन्तव्य रहेका छन ।

बागलुङ जिल्लाको आफ्नै विशिष्ट संस्कृति रहेको छ। यहाँ चैते दशै मेला, हनुमान नाच, लाखे नाच जस्ता सांस्कृतिक पर्वहरू मनाइन्छन्। यहाँ यानीमाया, सालैजो, सोरठी नृत्य, घाँटु नाँच लगायतका लोकसंस्कृतिको पनि प्रचलन छ।

बागलुङ जिल्लाको मुख्य पेशा कृषि हो। यहाँका मानिसहरूले धान, मकै, गहुँ, आलु जस्ता अन्नबाली लगाउँछन्। यहाँ पशुपालन पनि गरिन्छ। बागलुङ जिल्ला वैदेशिक रोजगारीमा जानेको संख्याको आधारमा पनि अग्रणी जिल्लाहरू मध्येमा पर्दछ।